Məktəbəqədər təhsil müəssisələrində diaqnostik qiymətləndirmə başa çatıb |Azərbaycan Respublikası Elm və Təhsil Nazirliyi
20.10.2024 - 16:00
Məktəbəqədər təhsil müəssisələrində diaqnostik qiymətləndirmə başa çatıb 19-20 oktyabr tarixlərini əhatə edən məktəbəqədər təhsil müəssisələrində pedaqoji fəaliyyətlə məşğul olan təhsilverənlərin diaqnostik qiymətləndirilməsi yekunlaşıb. Prosesin test imtahanı mərhələsi respublikanın müxtəlif şəhər və rayonları üzrə 28 imtahan mərkəzində təşkil olunub. Diaqnostik qiymətləndirmədə 90 faiz davamiyyət qeydə alınıb. Qeyd edək ki, ilk dəfə təşkil olunan məktəbəqədər təhsil müəssisələrində fəaliyyət göstərən təhsilverənlərin diaqnostik qiymətləndirilməsinin məqsədi pedaqoji heyətin təlim ehtiyaclarını müəyyən edərək sertifikatlaşdırma prosesinə hazırlığı təmin etməkdir.
Mənbə: edu.gov.az
